Wednesday, July 26, 2006

شرق اوسخ جديد


تتحدث امريكا عن شرق اوسط جديد ولكني بعد ما سمعته بالامس اقول وبكل ثقة لقد اصبح هناك شرق اوسخ جديد.فاذا بي اسمع مبارك وهو يقول انه ليس من انصار التحالفات ولا المحاور وان مصر لن تشارك في حرب ضد اسرائيل من اجل لبنان الا يوجد حد للخجل.ثم انه اذا كانت مصر ضد التحالفات والمحاور اذا فمصر دولة قوية جدا وللعلم فمبارك هو ذاته من قال ان العالم اصبح مجموعة من التكتلات والتحالفات وكان ذلك وهو يدعوللقمم ا لعربية واذا كان ما يقوله هو سياستنا الواضحة فلماذا اذا جامعة الدول العربية اوليس هذا تحالف.فلي طلب اود من أي مسئول ان يوضح لي ما هي سياسة مصر الخارجية .اذا كانت اسرائيل قد اصبحت صديقة فليقولوا لنا.لاني وبكل صراحة .لااعرف من هم اصدقاؤنا ومن هم اعداؤنا.فاذ كنا قد بعنا كرامتنا وشرفنا فيجب ان يكون هناك مقابل لذلك.مقابل نقبضه ونحس به حتي استطيع ان اسكت ضميري كلما سالني لماذا السكوت.فبالامس كانت ذكري وفاة والدي رحمه الله وبالامس ايضا كانت ذكري وفاة الكرامة المصرية .غدا انا ذاهب للمقابر ولا اعلم ما الذي ساقوله لوالدي حين اقابله غدا اعتقد ان الصمت سيسود بيننا لفترات طويلة

5 comments:

سامية said...

تعيش وتفتكر

أنا مؤخرا لما بافتكر والدي بافتكر إنه قال في يوم في قصيدة "بكرة أجمل م النهارده" وبحاول أقنع نفسي إن لسه فيه أمل

المقاومة بتقول كده

الافغانى said...

علي فكرة امريكا ومندوبها السامي في المنطقة ممكن يكون هما تحالف بس ياتري هنقدر علية امتي؟

m4m said...

أطال الله بفاءك ورحم أموات المسلمين...

يا باشمهندس يعنى انت ما قريتش التعبير الجهنمى الجديد بتاع الريس "مايحدث فى المنطقة هو فوضى هدامة"...نفسى أفهم يعنى ايه؟ هو فيه فوضى ممكن تكون بناءة مثلا؟ وبعدين يقول لك كمان " مصر ع الحياد ولسنا مع طرف ضد طرف" يعنى ببساطة ساوى القاتل مع القتيل...مصر بقى كل دورها انها واقفة عارضة فى النص..بدون موقف...وهو مش كبيرنا برضه اللى اتتريق على شلة الكتبجية اللى بيلمهم معاه فى الطيارة وبيقولوا عليهم رؤساء تحرير لما واحد فيهم اتسطل وقال له "مصر ممكن تحارب اسرائيل"..رد عليه زعيمنا اللى اخترناه اخترناه اخترناه وقال له " انت عايزنى أحط راسى فى بق الأسد؟ "...اسرائيل بقت أسد ياجماعة واحنا لا مؤاخذة "...."

أخيرا يا هندسة عايز أفهم حاجة...هو مش فيه حاجة اسمها معاهدة الفاع العربى المشترك اللى الريس جرجرنا بيها ع الكويت أيام ضرب العراق؟راحت فين؟ مش لبنان دولة عربية برضه؟

m4m said...

الدفاع....واجب التصحيح

وفاتنى تحيتك على التعبير المصرى الجميل "شرق أوسخ جديد

سميح said...

ولكن المعتدى على لبنان اسرائيل وليست دولة عربية أخرى